Policia e Shtetit ka arrestuar një prej autorëve të dyshuar për vrasjen dhe groposjen e 34-vjeçarit Eljon Hysa, i cili prej ditësh ishte denoncuar i zhdukur nga familjarët.
Ky shtetas ishte në kërkim prej vitit 2015 i akuzuar për vrasjen e një personi në Sarandë. Pas gjetjes së trupit të pajetë të Hysës, policia ka ndaluar njërin prej të dyshuarve.
“Sot, Shërbimet e Komisariatit të Policise Krujë, pranë varrezave të fshatit Shelqet, Komuna Nikel kanë gjetur të groposur shtetasin K.H. 34 vjeç, banues në Gjormë të Rrethit Kurbin, të shpallur në kërkim (i humbur).
Grupi hetimor ka bllokuar një sërë provash materiale duke bërë të mundur identifikimin e autorëve të dyshuar ku njëri prej tyre, shtetasi H.R. është shoqëruar në ambientet e Komisariatit të Policisë Krujë dhe është shpallur në kërkim shtetasi A.T.
Grupi hetimor me ekspertë të fushës në bashkëpunim me Prokurorinë e Rrethit Gjyqësor Krujë po punojnë për sqarimin e të gjithë rrethanave të ngjarjes.
Për shkak të hetimeve nuk jepen më shumë detaje”, njoftoi Policia./a.m.
U shpall i zhdukur, gjendet i groposur trupi i 34-vjeçarit që kërkohej për vrasje
