Gjendet i groposur trupi i një personi në zonën e Niklës.
Burimet bëjnë me dije për JavaNews se trupi i pajetë i përket shtetasit Elion Hysa, 34-vjeç i denoncuar i zhdukur nga familjarët para disa ditësh.
Trupi i pajetë u gjet i groposur pranë varrezave të Niklës. Nuk dihen ende rrethanat e vrasjes së këtij shtetasi.
Ky shtetas i njohur edhe si “Keisi” Hysa, ka qenë në kërkim nga policia prej vitit 2015 pasi akuzohej për një vrasje.
Por, para disa ditësh familjarët akuzuan policinë se nuk ka bërë asgjë për gjetjen e tij pas denoncimit për zhdukjen e 34-vjeçarit.
Hysa ishte shpallur në kërkim për vrasjen e Edmond Theodhorit, ngjarje kjo e ndodhur në 10 korrik të vitit 2015 në Sarandë.
Për këtë ngjarje është arrestuar edhe vëllai i tij në Itali më 23 shkurt të këtij viti, shtetasi Keivi Hysa, 27 vjeç. Dy vëllezërit akuzoheshin për vrasjen e pronarit të lavazhit, ngjarje që bëri bujë aso kohe.
Pikërisht, në këtë pistë janë përqendruar veprimet hetimore të policisë lidhur me vrasjen e 34-vjeçarit Elion Hysa./a.m.
