Pjesa e parë e ditës mbetet në ndikimin e kthjellimeve në vend por mesdita dhe pasditja sërish shtojnë vranësirat në territor, ndërsa reshje priten në zonat malore të Shqipërisë.
Instituti i Gjeoshkencave, Energjisë, Ujit dhe Mjedisit ka bërë parashikimin e motit për ditët e sotme. Sipas IGJEUM, ditët me temperatura të larta duket se kanë ikur dhe priten reshje të dobëta në shumicën e qarqeve të vendit.
Temperaturat do të variojnë nga 16 deri në 25°C në bregdet; në vendet e ulëta: 14 / 26°C dhe në vendet malore: 9 / 22 °C
Sa i përket erës, ajo do fryjë mesatare me shpejtësi deri 40 km/h nga drejtimi veriperëndimor –verilindor duke krijuar brigjet detare dallgëzim 4 ballë
Rajoni dhe Europa
Masat ajrore të qëndrueshme do të kushtëzojnë mot të kthjellët dhe vranësira kalimtare në pjesën më të madhe të kontinentit europian, përjashtim bën rajoni i Ballkanit dhe brigjet e Egjeut, të cilët vijojnë me vranësira dhe rrebeshe shiu.
HARTA LIVE:
g.kosovari
