Në një bisedë me korrespondentët në Bruksel, Presidentja e KE, Ursula Von der Leyen tha se sulmi rus në Ukrainë risolli në vëmendje rëndësinë strategjike që ka procesi i zgjerimit të Bashkimit Evropian.
“Ne duam qe t’i afrojmë sa më shpejt ne BE-së partnerët tanë nga Ballkani Perëndimor”, theksoi shefja e bllokut.
Duke komentuar bisedimet e pritshme të së shtunës në Ohër mes Kurtit dhe Vuçiçit, ajo nënvizoi se normalizimi i marrëdhënieve mes Beogradit dhe Prishtinës është çelësi për sigurinë, stabilitetin dhe perparimin e rajonit.
Pala evropiane, sipas kryekomisioneres evropiane pret nënshkrimin e draftit për planin e zbatimit të marrëveshjes bazë për normalizimin e marrëdhënieve ose të paktën progres të rëndësishëm në bisedime.
“Shpresoj që të dyja palët të jenë shumë konstruktive”, tha Von der Leyen.
E pyetur nëse do të ketë pasoja nëse negociatat në Ohër dështojnë, Von der Leyen tha se së pari duhet të ndjekim ecurinë e bisedimeve dhe vetëm pastaj të shikojmë se si do të sillemi me ta.
Sipas asaj që ndodhi vite më parë në rastin e draft-marrëveshjes së Rambujesë para luftës Kosova dhe Serbia janë kërcënuar me sanksione, ndërprerje të financimeve evropiane dhe izolim nëse i thonë jo planit franko-gjerman.
Në tekstin e marrëveshjes finale, thuhet se Kosova dhe Serbia duhet qe të zhvillojnë “marrëdhënie normale, të fqinjësisë së mirë të bazuar në të drejta të barabarta dhe se do të “njohin reciprokisht dokumentet e simbolet kombëtare, duke përfshirë pasaportat, diplomat, targat si dhe vulat doganore”.
/s.f
