Volkswagen nën akuzë për ndotjen, tërheq 500 mijë makina nga tregu
Volkswagen Ag, kompania e njohur e prodhimit të automobilëve ka pësuar një goditje të madhe në bursë për shkak të një mashtrimi që ka bërë me treguesit e ndotjes. Pajisja në fjalë i lejon automjetet të kalojnë me sukses testimin, pavarësisht emetimeve 40 herë më të larta se standardi. Agjencia amerikane e Mbrojtjes së Mjedisit EPA ka marrë prej disa kohësh një qëndrim më agresiv ndaj ndotjes së shkaktuar nga automjetet. Tërheqja e gjysmë milion makinave mund t’i kushtojë gjigandit të prodhimit deri në 18 miliardë dollarë.
Drejtuesi i kompanisë, Martin Winterkorn, deklaroi se vetë kompania po bën një hetim për këtë dhe keqardhjen e madhe. Ai ka premtuar se Volksëagen do të bëjë çdo gjë të nevojshme për të riparuar dëmin. SHBA konsiderohet tregu i dytë më i madh në botë për automobila dhe me këtë çështje, Volkswagen rrezikon gjoba të mëdha. Por edhe një reagim nga konsumatorët. Akuza është për një model të vetëm dhe VW ka ndalur shitjen e tij që shkon në deri 500 mijë njësi.
