Volejbollistes amerikane Capri Richardson nuk i është dashur shumë kohë që të vendosë për të pranuar ofertën që kishte marrë nga klubi kosovar, Drita e Gjilanit.
Kur mori ofertën, Richardson, që tashmë i është bashkuar Dritës, as që kishte idenë për volejbollin kosovar apo për vetë Kosovën, shkruan “Koha Ditore”.
Diku kishte dëgjuar të përmendej Kosova, por jo në mënyrë që të krijonte ndonjë ide se për çfarë vendi bëhet fjalë.
“Nuk kam ditur asgjë për vendin, apo për njerëzit e saj, para se të kontaktohesha nga drejtues të Dritës.
Kam pasur një kujtim të zbehtë nga koha kur kam jetuar në Japoni, kur kam dëgjuar të përmendet Kosova, në një raport amerikan të motit.
Kjo ishte e tëra”, ka thënë Capri Richardon në një bisedë për gazetën.
Pasi mori ofertën, Capri u ul para kompjuterit dhe mori informata për Dritën dhe Kosovën, aq sa mund të merrte… (b.an)
