Katër persona u arrestuan pas një operacioni të policisë së Durrësit pasi dyshohen për vjedhje të kryer në bashkëpunim.
Bëhet fjalë për vjedhjen e një rrobaqepsie në qytetin bregdetar, ku katër punonjësit e saj kanë grabitur në kohë të ndryshme mallra me vlerë 80 mijë euro.
Pas një hetimi disaditor, policia e Durrësit përfundoi hetimet. Gjatë operacionit, katër të ndaluarve iu gjetën në shtëpi një pjesë e mallrave që mungonin në rrobaqepsi.
Komisariati i Durrësit nuk ka bërë të ditur emrin e rrobaqepsisë apo të të ndaluarve.
