Policia e Tiranës ka arrestuar 3 të rinj të akuzuar si autorë të vjedhjes së bankës së nivelit të dytë në rrugën e Kavajës pak ditë më parë. Sipas policisë, në kuadër të finalizimit me sukses të operacionit të koduar “YARIS” u bë i mundur arrestimi i Kristi Sulollari, 19 vjeç, në Vorë dhe banues në Tiranë, Kristi Kajo, 19 vjeç, lindur dhe banues në Tiranë dhe Rei Cenolli, 19 vjeç, lindur dhe banues në Tiranë
Sipas policisë Kristi Sulollari u kap ne vendin e quajtur Tajvan ku punonte si kamarier. Ndërsa Kristi Kajo u kap në shtëpinë e gjyshes së tij në rrugën “Irfan Tomini” dhe Rei Cenolli u kap në Voskopjë, Korçë në shtepinë e xhaxhait të tij.
Në cilësinë e provës materiale u sekuestruan shuma prej 6.879.000 lekë të vjetra, të cilat dyshohet se janë vjedhur në bankën e rrugës së Kavajës. Po ashtu në cilësinë e provës material u sekuestruan 3 aparate celulare, një kapele e përdorur në ngjarje si dhe mjeti Toyota Yaris me targe AA861LD që u përdor në ngjarje për të sjellë dhe larguar autorët.
Materialet i kaluan Prokurorisë pranë Gjykatës Rrethit Gjyqësor , Tiranë, për veprat penale të ”Vjedhje banke dhe arkave te kursimit”,”Mbajtje pa leje e armëve luftarake”.
