Policia identifikon dy prej autorëve të grabitjes së ndodhur mbrëmjen e datës 29.04.2016 në qytetin e Vlorës.
Arrestohet shtetasi:
Ervis Toro, 28 vjeç, banues në Vlorë.
Shërbimet e Policisë kanë bërë të mundur kapjen dhe arrestimin e këtij shtetasi në lagjen “Pavarësia” Vlorë, pasi më datë 29.04.2016, shtetasi: Ervis Toro, në bashkëpunim me shtetasin: J. T. (shpallur në kërkim), bashkë me një person tjetër të paidentifikuar ende, dyshohen se kanë shkuar të maskuar dhe të armatosur para hyrjes së derës të banesës së shtetasit: K.Q. 39 vjeç, në katin e 6-të të pallatit ku banon, në lagjen “Isa Boletini”, me qëllim për të grabitur, por pasi kanë hasur kundërshtimin e pronarit të kësaj banese (K.Q) e kanë goditur një herë në kokë (me qytën e pistoletës) këtë të fundit dhe më pas janë larguar menjëherë.
Policia bëri të mundur identifikimin dhe kapjen e njërit prej tyre, si dhe shpalli në kërkim shtetasin: J.T. për veprën penale “Vjedhje me dhunë, kryer në bashkëpunim”.
Punohet për kapjen e autorëve bashkëpunëtor në lidhje me këtë ngjarje./a.m.
