Vlorë, qëllojnë me gërshërë dhe levë 62-vjeçarin, në pranga babë e bir
Policia ka arrestuar në flagrancë pas një konflikti fizik, dy shtetas për veprën penale “Vrasje për shkak të marrëdhënieve familjare, të mbetur në tentativë”. Në pranga kanë rënë Musa Malaj, 55 vjeç dhe Edi Malaj, 29 vjeç, të dy me banim në Hoshtimë të Vlorës.
Ngjarja ka ndodhur ditën e djeshme në fshatin Hoshtimë, në banesën e shtetasit, M.Malaj 62 vjeç, (vëllai i Musa Malajt). Shtetasit e mësipërm, kanë shkuar në banesën e 62-vjeçarit, ku për motive të dobëta në fillim janë konfliktuar me fjalë dhe me vonë situata është tensionuar duke kaluar në konflikt fizik.
Gjatë konfliktit fizik, shtetasi M.M., është goditur disa herë me gërsherë në pjesën e brinjëve dhe është goditur gjithashtu me një levë hekuri në të gjithë trupin, ku për pasojë ka marrë dëmtime të ndryshme në trup dhe është transportuar menjëherë në Spitalin e Vlorës për të marrë mjekimin e nevojshëm. Mjekët thonë se 62-vjeçari, fatmirësisht është jashtë rrezikut për jetën.
