Kryeministri Edi Rama dhe homologu i tij serb Aleksandër Vuçiç do të kenë një përballje të fundit mes tyre, dhe atë do ta bëjnë në transmetim televiziv ku të pranishëm do të jenë që të dy liderët.
Në fakt, emisioni është regjistruar gjatë samitit të Vjenës, ku Rama dhe Vuçiç janë vendosur përballë njëri-tjetrit. Emisioni do të transmetohet sot në TVSH dhe në disa televizione të tjera të rajonit.
Në faqen e tij zyrtare në “Facebook”, kryeministri Rama bën të ditur se debati është përqëndruar kryesisht në perspektivën e dy vendeve në Bashkimin Europian. “Debati për emisionin Okruzenje (Fqinjësi) që u zhvillua gjatë procesit të Berlinit në Vjenë e ku të dy kryeministrat folën në gjuhën e tyre, u regjistrua për t’u subtitruar dhe transmetuar sonte në orën 21:00 në TVSH; në të njëjtën orë ky debat do të shfaqet edhe në vendet e tjera të rajonit përveçse në Shqipëri, Kosovë (RTK1), Serbi (RTS 1) dhe Maqedoni (Alsat M)”, – shkruan Rama.
