Policia zbulon ngjarjen e mbrëmshme, identifikohen autoret e plagosjes me armë zjarri.
Arrestohet në flagrancë njëri prej autorëve të dyshuar, shpallet në kërkim tjetri.
Arrestohet shtetasi i quajtur:
Edmond Maskaj, 23 vjeç, banues në fshatin Hysoverdh – Vlorë.
Shpallet në kërkim shtetasi:
E. Z., banues në Vlorë.
Arrestimi i shtetasit Edmond Maskaj dhe shpallja në kërkim e shtetasit E.Z, u bë për arsye se:
Mbrëmjen e djeshme rreth orës 21:15, në lokalin eurolloto “Goxhaj” në lagjen “Lef Sallata”, pas një konflikti për motive të dobëta (të çastit), shtetasi E.Z., ka plagosur rëndë me armë zjarri “pistoletë” në këmbë shtetasin Rr. M., 37 vjeç, banues në lagjen “Hajro Çakërri” Vlorë, i cili për pasojë u dërgua në Spitalin Rajonal për të marrë ndihmë mjekësore, jasht rrezikut për jetën.
Shtetasi Edmond Maskaj, i përfshirë në këtë konflikt është poseduesi i armës së zjarrit tip “Pistoletë-Glock”, 1 krëhër me 13 fishekë të kalibrit 9 mm, të cilat u sekuestruan në cilësinë e provës materiale.
Materialet iu referuan Prokurorisë për veprat penale “Plagosje e rëndë me dashje” dhe “Mbajtja pa leje e armëve luftarake e munocioneve”, në ngarkim të këtyre dy shtetasve./a.m.
