Në nderim të veteranëve të Luftës Nacional-Çlirimtare, të cilët 7 dekada më parë kontribuan për çlirimin e vendit, sot është vendosur një memorial në qendër të fshatit Milot të Vlorës.
Në aktivitetin ceremonial morën pjesë veteranë të luftës Nacional Çlirimtare.
“Krijimtaria juaj ka vlera të çmuara atdhetare për sot dhe për të ardhmen. Është luftuar kudo në tokën shqiptare dhe në male dhe në fusha. Prandaj kjo tregon madhështinë e Luftës Nacional Çlirimtare, që nuk mund të zbehet kurrë”, tha veterani.
“Populli ynë në gjithë historinë e tij ka luftuar më shumë se popujt e tjerë. Por kjo luftë ishte dhe do të mbetet më legjendarja në histori, që mundësoi këtë Shqipëri që është sot. Këta bij të fshatit dhanë kontributin e tyre në këtë luftë historike. Pra, këta bënë historinë dhe detyra jonë është ta shkruajmë historinë dhe ta përcjellim atë në brezat që do të vijnë”, tha kryeplaku i fshatit Kastriot Çobo.
Lëzizja Nacional Çlirimtare u krijua më 16 shtator 1942, në një konferencë të mbajtur në Pezë dhe është organizata e rezistencës shqiptare që luftoi gjatë Luftës së Dytë Botërore në mbrojtje të atdheut.
Shqiptarja.com
