Policia e Vlorës ka zbuluar dhe sekuestruar 8 kg lëndë narkotike kanabis sativa duke arrestuar në flagrancë poseduesin e saj. Në pranga ka rënë Pandeli Malaj, 49 vjeç, banues në Vlorë.
Arrestimi i tij u krye në banesën e tij në lagjen “Ujë i Ftohtë”, pasi gjatë një kontrolli të ushtruar shërbimet e policisë kanë konstatuar një sasi lënde narkotike prej 8 kg të llojit kanabis sativa.
Lënda narkotike ishte shpërndarë nëpër dhoma pasi shtetasi i mësipërm e përdorte banesën e tij për tharjen e kanabisit.
Pranë lëndës narkotike, Malaj kishte vendosur dy rezistenca me gaz, në mënyrë që të përshpejtonte procesin e tharjes gati për ta shitur atë.
