Dy persona u vunë në pranga dhe dy të tjerë u shpallën në kërkim nga policia e Vlorës pas zbulimit të një sasie të kultivuar lënde narkotike.
Në fshatin Lapardha të Selenicës, tek “Kodra e Likajve” policia konstatoi 3 parcela me 20 bimë narkotike si dhe 48 fidanë të vegjël të mbjella në kubikë.
Nga hetimet e kryera, ka rezultuar se bimët janë mbjellë në pronë private në pronësi të 3 personave, prej të cilëve njëri u arrestua në flagrancë ndërsa dy të tjerët u shpallën në kërkim:
Engjëll Likaj, 56 vjeç (arrestuar)
B.Likaj, 78 vjeç (u shpall në kërkim)
Z.Likaj, 58 vjeç (u shpall në kërkim)
Gjithashtu, gjatë kontrollit të ushtruar në fshatin Kaninë të Vlorës, shërbimet kanë konstatuar të mbjella disa bimë narkotike në një parcelë, me gjatësi deri në 40 cm, të cilat u asgjësuan me djegie.
Për këtë ngjarje, policia ka arrestuar në flagrancë autorin e dyshuar, me banim në afërsi të kësaj parcele, Llambro Limaj, 41 vjeç, banues në Kaninë, Vlorë.
