Kryetari i LSI-së Petrit Vasili ka reaguar pas deklaratave të kreut të Basha, i cili tha sot nga Kruja se “SHPK e Ilir Metës do falimentojë”. Përmes një statusi në facebook, Vasili paralajmëron Bashën se “di shumë gjëra për shpk-të e tua”. Ai fton Bashën për debat “meqë rama nuk po ja fishkëllen”, siç shkruan Vasili.
Postimi i Vasilit:
“I dashur Luli, nga Kruja, nën dehjen e hashashit, më zure dhe mua në gojë.
Mosmirënjohjen ndaj Berishës dhe Metës ta njoh mirë.
E di mirë edhe që ke hequr dorë nga objektivi yt dhe i PD-së për kryeministër dhe president.
Megjithatë, për të vërtetat e shpk-ve të tua dhe shumë të vërteta të tjera, që unë di nga takime shumë të rëndësishme, meqënëse edhe kandidati tjetër nuk po ta fishkëllen, edhe në respekt të demokratëve të pres të përballemi në tv, shesh a ku të duash.
Ky, Luli, është një shans edhe për ty”, shkruan Vasili.
