Morën peng një të ri dhe pasi e dhunuan e lanë në rrugë. Ngjarja e rëndë ka ndodhur në qytetin e Vlorës, pasditen e djeshme lagjen “28-Nëntori”. Burime nga policia bëjnë me dije se 6 persona, në bashkëpunim me njëri-tjetrin, rreth orws 17:30, kanë shkuar në kazinonë ku ndodhej i riu me inicialet D.S., 24 vjeç, banues në lagjen “Partizani”. Ata e kanë marrë me forcë dhe e kanë transportuar me automjet një ambient tjetër, ku nuk kishte njerëz.
Pasi e dhunuan, e dërguan me të njëjtin mjet pranë Sheshit të Flamurit, duke e lënë në rrugë dhe janw larguar me shpejtësi. Për ngjarjen në fjalë policia ka nisur hetimet, duke arrestuar në flagrancë 3 persona për “Heqje të paligjshme të lirisë së personit e kryer në bashkëpunim” dhe njëkohësisht ka shpallur në kërkim tre të tjerë.
Në pranga kanë rënë, Xhorxho Çeçi (Maksim Habili), 50 vjeç, Juljan Habili, 29 vjeç dhe Besnik Dalipaj, 29 vjeç. Ndërkaq janë shpallur kërkim tre shtetas të tjerë, Klaudio Bylyshaj, 22 vjeç, nMateo Rama, 21 vjeç, Miky Ibrahimi. Aktualisht, shtetasi i dëmtuar është shtruar në Spitalin Rajonal të Vlorës, sipas mjekëve jashtë rrezikut për jetën. Policia ka sekuestruar automjetin i cili ka shërbyer për kryerjen e kësaj vepre penale, e tipit “Ford” me targë: AA 075 HM. Motivi i sherrit thuhet se ka qenë banal, por po punohet për dokumentimin e plotë të ngjarjes.
