Në Itali, koordinatori i CTS Agostino Miozzo shprehet se mbajtja e një maske transparente në shkolla do të ishte një alternativë e shkëlqyer, pasi të tjerët mund të shohin shprehitë e fytyrës, ndërsa shton se po vlerësohet nëse është apo jo e sigurt.
“Ne jemi duke vlerësuar karakteristikat e maskave transparente për operatorët e kopshteve dhe çerdheve. Pse jo, edhe për mësuesit e shkollave fillore”.
Prezantimi i këtij varianti të ri në katalogun e maskave shkollore ishte koordinatori i CTS, Agostino Miozzo.
Avantazhi i këtyre maskave , të cilat tashmë përdoren për të shurdhërit, pasi duhet të jenë në gjendje që të lexojnë buzët e personit që flet, është që nxënësit të shohin shumë më mirë fytyrën dhe shprehjen e mësuesit.
