Ish-kryeministri Berisha ka publikuar akuza të rënda ndaj ministres së Mbrojtjes dhe stafit të saj. Në një status në Facebook, ai shkruan se përmes një skeme, zyrtarët e lartë kanë përfituar 160 mijë euro nga transporti me avion.
Por, lexo.al shkruan se i gjithë organizimi për Konferencën e Komitetit të NATO-s bëhet nga vendi pritës dhe jo nga NATO. Specifikisht, institucioni që u mor me këtë organizim në Shqipëri është Shtabi i Përgjithshëm i Forcave të Armatosura dhe prokurimi i transportit për Komitetin e NATO-s është bërë nga komanda mbështetëse.
Gafa tjetër, sipas lexo.al, ka të bëjë me faktin se Berisha nuk di (ose nuk do të thotë) detyrimet që ka vendi pritës i Komitetit, të cilat janë si më poshtë dhe që janë plotësuar edhe nga Turqia e Kroacia kur kanë pritur këtë Konferencë:
Detyrimi i vendit pritës :
1-Transporti Strategjik (Belgjikë-Tiranë dhe anasjelltas në rastin konkret)
2-Akomodimi dhe ushqimi
3.Siguria, gjatë gjithë periudhës së qëndrimit
4-Sistemet e komunikimit
5-Transporti i brendshem . etj
Pra, këtu del qartë se nuk është NATO, por vendi pritës që ka për detyrë të sigurojë edhe transportin, shkruan lexo.al
Postim i plotë i Berishës:
Vjedhja tjeter taze e ministres se mbrojtjes!
Qytetari dixhital denoncon nje vjedhje taze te ministres se mbrojtjes dhe sekretarit te saj te pergjithshem! Ai i ben thirrje prokurorise te hetoje kete vjedhje! sb
“Zoti Berisha, Para dy javesh u zhvillua ketu ne Tirane Konferenca e NATO-s. Avioni me te cilin erdhi shtabi i NATO-s u kontratktua nga ministrja e Mbrojtjes dhe konfidenti i saj Kraja me 160 mije euro nga Brukseli ne Tirane. Nga amabasada jone ne NATO kishte ardhur oferta qe NATO e siguron me 55 mije euro avionin, por kryehajduti Kraja e mori me 160 mije euro nga nje agjenci e tij. Ju lutem a mundet qe Prokuroria te filloje hetimet per kete ceshtje. Respekte”
