Operacionet e grupeve të përbashkëta të Policisë së Shtetit dhe Operatorit të Shpërndarjes së Energjisë Elektrike (OSHEE), kanë vijuar edhe përgjatë javës operacionin evidentimin e vjedhjes së energjisë elektrike si dhe për të ndërprerë lidhjet e paligjshme,
Nga raporti i Policisë së Shtetit mësohet se kësaj jave kanë vepruar në të gjithë vendin 50 grupe të përbashkëta, të cilët pasi kanë kontrolluar mbi 2000 raste në terren ndaj abonentëve biznes dhe familjarë, kanë zbuluar 15 raste të vjedhjes së energjisë. Prej 15 autorëve shkelës janë arrestuar në flagrancë vetëm 5, ndërsa të tjerët ose ndiqen penalisht në gjendje të lirë, ose janë shpallur në kërkim.
Gjatë javës janë ndërprerë 1111 lidhje të abonentëve debitorë, veç atyre 15 të paligjshme. Policia e Shtetit dhe OSHEE-ja shprehen të vendosura ta vijojnë punën e nisur muaj më parë, duke përballur me forcën e ligjit të gjithë ata persona, të cilët abuzojnë me energjinë elektrike duke e vjedhur atë, qofshin këta përfaqësues biznesesh, individë, apo punonjës të vetë OSHEE-së
