Kristi Shkarpa djali i pronarit të argjendarisë së grabitur, rrëfeu për Report Tv, skemën e vjedhjes spektakolare të dyqanit të tij. Sipas Shkarpës autorët hynë nga pjesa e pasme e objektit në ndërtim hapën disa vrima dhe më pas shkulën sistemin e alarmit, kamerat dhe më pas njëri pas tjetrit hynë në argjendari ku vodhën 500 mijë euro mall.
Pronari i argjendarisë, Pavlo Shkarpa e lidh vjedhjen e dyqanit të tij me objektin ngjitur me të, i cili është në rikonstruksion dhe pa leje ndërtimi.
Argjendaria e bastisur mëngjesin e të shtunës dyshohet se është vjedhur pas një plani të mirëorganizuar, ndërsa pjesë e tij mendohet se mund të kenë qenë më tepër se tre apo katër persona.
Pronari i argjendarisë, Pavlo Sharka hedh dyshime se vjedhja mund të jetë ndikuar nga objekti që është ngjitur me argjendarinë, i cili është në rikonstruksion e sipër.
Ndërkaq, Kristi Sharka, djali i pronarit të argjendarisë, ka rrëfyer për Report Tv edhe skemën e itinerarin e ndjekur nga grabitësit mëngjesin e së shtunës. Sipas tij, ata kanë shfrytëzuar një palë shkallë nga jashtë mureve të këtij objekti.
Më pas ata kanë hapur murin që kufizon objektin në ndërtim e sipër me argjendarinë dhe me një bar- restorant në pronësi të familjes Shkarpa, që ka në pronësi edhe argjendarinë e bastisur.
Më pas autorët kanë shkulur sistemin e alarmit, sistemin e kamerave si dhe njësinë qendrore ku ishte vendosur edhe serveri i kamerave.
Argjendari “Esenca”, u bastis mëngjesin e të shtunës nga persona të paidentifikuar, të cilët hynë në argjendari dhe pasi çaktivizuan sistemin e kamerave dhe të alarmit vodhën një sasi bizhuterish që sipas pronarit Shkarpa vlera arrinte në 500 mijë euro.
Shqiptarja.com/d.i.
