Kryeministri Edi Rama udhëzon, përmes një video-mesazhi në “Facebook”, të gjithë qytetarët, që duhet të marrin leje për të dalë për arsye shëndetësore.
Duke filluar nga dita e sotme, Rama njofton se leja do të merret në portalin “e-ALbania”, ndër qytetari duhet të ketë me vete një dokument mjekësor për vizitën.
Mesazhi i Ramës:
🟢 NGA SOT NË e-albania EDHE LEJE – DALJET PËR ARSYE SHËNDETËSORE😊
🔴KUJDES! QYTETARI DUHET TË KETË ME VETE NJË DOKUMENT MJEKËSOR PËR VIZITËN!
🔴 QYTETARIN MUND TA SHOQËROJË VETËM NJË PERSON TJETËR!
🔴 AUTORIZIMI VLEN VETËM PËR RRUGËN SHTËPI-QENDËR SHËNDETËSORE-SHTËPI
🟢 NDIQNI PROCEDURËN E THJESHTË NË E-ALBANIA 👇
Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania
– Identifikohuni në portalin e-Albania përmes llogarisë tuaj
-Klikoni shërbimin “Leje për Dalje”
-Zgjidhni opsionin “Leje për arsye shëndetësore”;
-Shkruani saktë daten, orën e lëvizjes dhe itinerarin me destinacionin përkatës
Në rastet kur lëvizja për arsye shëndetësore do të bëhet me automjet:
-Nëse mjeti është në pronësinë tuaj, do t’ju shfaqet direkt në listë.
Nëse jo, ju mund të shtoni manualisht të dhënat e mjetit: Targën dhe numrin e shasisë së tij
Dhe shtypni “Dërgo” për të përfunduar aplikimin
Miratimi do të dërgohet në adresën e-mail dhe në numrin e telefonit të regjistruar në portal.
Kërkesa për leje për arsye shëndetësore bëhet vetëm në e-Albania
🚫 Ata, që lëvizin pa lejen nga e-Albania dhe nuk zotërojnë dokument mjekësor për të justifikuar leje-daljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal!
