Presidenti i Republikës, Bujar Nishani, luan “kukamfshehti” me Protokollin e Shtetit. Në bazë të një njoftimi për shtyp, Presidenca informon se Kreu i Shtetit do të dalë vetë personalisht që të presë në Aeroportin e Rinasit, Sekretarin Amerikan të Shtetit, John Kerry.
Turravrapi i Presidentit drejt Rinasit, në thelb përbën dhe një injorim të Protokollit të Shtetit nga ana e tij, i cili përcakton qartë se është homologu i Sekretarit të Jashtëm Kerry në Shqipëri personi që e pret, përkatësisht ministri i jashtëm, Ditmir Bushati.
Në bazë të axhendës, është mësuar se Sekretari Kerry, përpos takimit me Bushatin, do të ketë takime me kryeministrin, Edi Rama dhe kryetarin e PD-së, Lulzim Basha. Nishani ka qenë lenë jashtë protokollit të këtyre takimeve, duke pasur parasysh se ai është President i Republikës dhe zhvillon pritje të tilla për homologët e tij. Por kjo duket se nuk është gëlltitur lehtazi nga Nishani, ndaj ai ka vendosur ta bëj “fakt të kryer” takimin me Kerryn, duke i “zënë derën” në Rinas.
