Viti i Ri 2017 do të vijë me 1 sekondë vonesë. Sipas BBC kjo i siguron globit të jetë në koordinim me kohën universale dhe kompensohet ngadalësimi i rrotullimit të Tokës.
Ndryshimi bëhet i nevojshëm pasi koha standarde mbetet prapa orës atomike, e cila përdoret nga Laboratori Ndërkombëtar i Fizikës (NPL) për të siguruar një hark kohor të qëndrueshëm dhe të vazhdueshëm.
“Orët atomike janë më tepër se një milion herë më të mira për të mbajtur kohën sesa rrotullimi i Tokës, që ka luhatje të paparashikueshme.
Sekondat e brishtë janë të nevojshëm për të parandaluar largimin e kohës civile nga koha e Tokës. Edhe pse kjo është e vogël, pasi do të duheshin rreth 1 mijë vjet për të grumbulluar një orë diferencë, dhe nëse nuk korrigjohet atëherë mund të rezultojë që ora të tregojë mesditën para lindjes së diellit”, thotë Peter Whibberley, shkencëtar në NPL.
Sekonda “ekstra” do të ndodhë kur ora tregon mesnatën dhe në kohën 23:59:60 do të regjistrohet, duke vonuar për një çast 2017-tën.
Hera e fundit që ka ndodhur kjo ka qenë në qershor të 2015, dhe kjo është hera e 27-të që do të ndodhë./a.m.
