• Kontakt
  • Kreu
  • Rreth Nesh
Sunday, November 15, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Viti i protestuesit të panjohur

by Mero Baze
02/01/2019 09:13
Shperndaj ne FacebookShperndaj ne Twitter

Nga Mero Baze

Suksesi i shënuar i vitit 2018, është protestuesi i panjohur. Ai ende nuk ka një emër, një fytyrë dhe ende nuk dimë sa është shumëfishuar në shoqëri, por e dimë që është në rrugë. Është i prekshëm, i vërtetë dhe i zemëruar.

Në çdo protestë sociale të këtij viti, që nga ata që preken nga zhvillimi urban, e deri tek studentët, armiku i emëruar i protestuesit të panjohur, ishte një stekë më lart se qeveria, ishte ajo që ata e kanë përkufizuar tani si “Oligarkia”, një terminologji që vjen nga filozofia e Marksit, dhe që nënkupton dikë që kontrollon politikanët në kapitalizëm.

Herë- herë shfaqet si një lëvizje populiste brenda universitetit, me tendeca të forta marksiste, duke vënë  gishtin mbi “oligarkët” dhe duke shpjeguar tarifat e larta me faktin që qeverinë e kanë kapur oligarkët. Herë shfaqet në trajtën e banorëve të Unazës së Re, apo ata të Shkozës, që u prishen shtëpitë nga projekti i zhvillimit urban, duke vënë gishtin sërisht mbi ta. Kushdo që ka një problem me pushtetin, një padrejtësi sociale apo një përballje me korrupsionin, e ka shumë të lehtë të akuzojë ata, “oligarkët”.

Për herë të parë pas 28 vitesh tranzicion, po shmanget retorika politike mes pozitës dhe opozitës, dhe po tentohet të zëvendësohet me debatin populist mes oligarkut dhe protestuesit.

Dhe e gjitha kjo, pasi opozita ka prishur një barazpeshë në skenën politike, duke qenë nën akuzë si e lidhur me ta.

E pazakonta e këtij viti, është se protestuesi i panjohur, po përpiqet të ngrejë piedestalin e tij, duke sulmuar dhe opozitën, dhe pozitën, dhe për t’i bashkuar në një vend, i ka shpallur luftë oligarkëve.

Protetuesi i panjohur ktheu vëmendjen tek ata, duke tentuar t’i bëjë njerëz të urryer të shoqërisë.

Në fakt, ata nuk ekzistojnë në formën që urrehen dhe nuk urrehen për çfarë ekzistojnë. Ata janë e gjitha çfarë ka shoqëria jonë, një brez njerëzish që e kanë ngritur perandorinë e tyre me çfarë kanë mundur. Ata janë biznesmenët që punësojnë njerëz, që financojnë mediat, që zhvillojnë ekonominë, aq sa zhvillohet, që investojnë, që marrin kredi, që kanë punë 24 orë me qeverinë dhe në një farë mënyre, janë bilanci real i kapitalizmit tonë.

Ndaj dhe beteja ka të bëjë në thelb me kapitalizmin tonë dhe jo me emra konkretë.

Është e paqarët deri ku ata kanë kapur shtetin dhe deri ku shteti nuk bën dot pa ta, por është e vërtetë se ata janë njerëzit që u ka mbetur në dorë Shqipëria.

Protestuesi i panjohur ka nevojë të urrejmë dikë dhe oligarkët  janë të lehtë t’i urresh. Jemi qartazi në kufijtë e një populizmi antikapitalist, një fryme urrejtje ndaj të pasurëve, një tendence për identifikuar biznesin me krimin, dhe mbi të gjitha, një zhvlerësimi të politikës në debatin publik.

Edhe Edi Rama, që është një dashnor i drejtimit të shtetit me lehtësinë e njerëzve që njeh në krye të biznesit dhe administratës, u ndikua nga kjo frymë dhe ndryshimet e fundit në qeveri reflektojnë një përpjekje për të shmangur politikanët luajalë me ata që i etiketojnë si oligarkë. Me Erjon Braçen zëvendëskryeministër, një agjitator antikapitalist i lindur, dhe teknokrate në krye të Fiancave dhe Ministrisë së Infrastrukturës e Energjisë, lehtësia e hyrjes së tyre në zyrat e shtetit natyrisht që është rritur.

Nuk them se ky është ndonjë lajm i madh, por është një ndryshim instiktiv i Edi Ramës nga kjo frymë.

Monumenti i protestuesit të panjohur që po rritet në shoqëri, ka bërë punën e vet.

Beteja e pazakontë ka të bëjë me rënien e opozitës si faktor real i betejës politike, dhe zëvendësimi i saj me protestuesin e panjohur.

Përpjekja e opozitës për t’iu shkuar pas kauzave sociale, shpesh herë duke humbur dhe identitetin e saj të djathtë, poshtërimi i saj për të shkuar qoftë dhe pas ideve marksiste, vetëm me shpresë se mund të trondisë qeverinë, dhe pabesueshmëria e saj në listat selektive ndaj krimit dhe biznesit të lidhur me politikën, e ka bërë atë viktimën e pare të kësaj beteje, dhe ka prishur balancën politike të shoqërisë.

Edi Ramën e ka dëmtuar më shumë Lulzim Basha i dobët dhe i pabesueshëm, se sa korrupsioni i qeverisë së tij.

Opozita shqiptare është e raskapitura e madhe e vitit 2018, e cila është e refuzuara e parë e çdo proteste. Ajo është kthyer në model dështimi për shoqërinë dhe të gjithë duan të largohen prej saj.

Ndaj dhe protestuesi i panjohur që ka mbushur rrugët e këtij vendi thuajse gjithë vitin, është ende pa emër. Sepse refuzon të marrë emrin e opozitës, derisa të bëjë emrin e tij.

a.c

Next Post
Si varfërohemi në pushime

Bilanc tragjik, 556 të vdekur nga aksidentet ajrore në 2018

Leave a Reply Cancel reply

Your email address will not be published. Required fields are marked *

TË FUNDIT

Bonusi i bebes në Shqipëri: Si të aplikoni dhe cila është shuma që përfitoni?

Bonusi i bebes në Shqipëri: Si të aplikoni dhe cila është shuma që përfitoni?

November 15, 2026
Shqipëria kryen me sukses misionin, fitore 2-0 ndaj Bjellorusisë dhe e mbyll e para në grup

Shqipëria kryen me sukses misionin, fitore 2-0 ndaj Bjellorusisë dhe e mbyll e para në grup

November 15, 2026
Ulen kostot e ndërtimit, por rriten çmimet e apartamenteve

Dyfishohen detyrimet, “Supertaksa” për pronat e dyta e vilat, kush do paguajë më shumë?

November 15, 2026
Miratohen tre projektligjet kyçe për kriptoasetet, sigurinë detare dhe strehimin social

Miratohen tre projektligjet kyçe për kriptoasetet, sigurinë detare dhe strehimin social

November 15, 2026

Sean Strickland – UFC Middleweight Contender & Championship Striking – Fight statistics!

November 15, 2026
Të përjashtuara nga talibanët, vajzat dhe gratë afgane po mbeten pa shkollim edhe në Iran e Pakistan

Të përjashtuara nga talibanët, vajzat dhe gratë afgane po mbeten pa shkollim edhe në Iran e Pakistan

November 15, 2026
Dhomat e Specializuara, të martën shpallet aktgjykimi në rastin e pengimit të drejtësisë për Hashim Thaçin dhe katër të akuzuarit e tjerë

Dhomat e Specializuara, të martën shpallet aktgjykimi në rastin e pengimit të drejtësisë për Hashim Thaçin dhe katër të akuzuarit e tjerë

November 15, 2026
Estonia do të mbyllë kufirin me Rusinë: Urdhëruan sulm ndaj kompanisë së dronëve

Estonia do të mbyllë kufirin me Rusinë: Urdhëruan sulm ndaj kompanisë së dronëve

November 15, 2026
Kthen ‘borxhin’/ Kosova nis të dërgojë në Shqipëri energjinë e tepërt elektrike

Avantazhi që Shqipëria nuk e reklamon

November 15, 2026

Pse beteja politike e Veliajt nuk e ndihmon betejën e tij me drejtësinë

November 15, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In