Ministrat e kabinetit “Rama” t’i rikthehen punës më 23 gusht. Qeveria pritet që mbledhjen e radhës ta zhvillojë pikërisht në këtë datë.
Anëtarëve të qeverisë iu janë lënë 19 ditë leje për të pushuar, dhe në këtë datë u është njoftuar se do të mbahet edhe mbledhja e një sezoni të ri të qeverisë, që mund të thuhet se ka hyrë në vitin e fundit të mandatit të saj.
Që nga 4 gushti, ku siç informon zyra për shtyp e kryeministrit është zhvilluar mbledhja e fundit, ministrat i janë dorëzuar ditëve të qeta, të cilat duket se kryesisht i kanë gjetur në Shqipëri, por kjo jo si pasojë e një direktive për të bërë pushime në vend.
Nga ana tjetër edhe vetë kreu i ekzekutivit ka zgjedhur bregdetin e jugut për të pushuar, pasi herë pas herë ka postuar foto të momenteve të veçanta që po kalon me djalin e tij të vogël Zaho.
