Avokati i Agron Xhafajt, Ardian Visha i ftuar në emisionin “Real Story” në “News 24” foli për çështjen kaq shumë të debatuar në opinionin publik, të quajtur “Babalja”.
Visha u shpreh se zëri i klientit të tij Agron Xhafaj nuk është askund, kurse shton se e gjitha është një inskenim mediatik për të goditur politikisht.
Madje avokati shtoi se për të hedhur poshtë çdo pretendim nga Ervin Salianji dhe opozita, pala mbrojtëse është e gatshme të ribëhet ekspertiza e zërit të Agron Xhafajt.
“Nuk ka një fakt të madh, por ka disa fakte, ka disa interpretime të karakterit profesional që na çon në faktin se kemi të bëjmë me falsitet. Zëri nuk është i Agron Xhafajt” – këmbënguli Visha.
