Viktima Marjo Majollari, 28 vjec, u qellua me arme zjarri mbremjen e se martes ne zonen e Kinostudios ne Tirane.
Media meson nga policia se viktima eshte qelluar disa here nga autoret ne distance te afert ndersa ka mare tre plumba ne trup.
I riu mesohet se pak kohë që ishte kthyer nga Suedia. Ai ishte larguar nga Shqiperia në vitin 2015 dhe kishte kërkuar azil pasi sipas pretendimit të tij, ishte i kërcënuar për hakmarrje.
Dyshimet paraprake janë se pas ekzekutimit të Mario Majollarit qëndrojnë motivet e hakmarrjes, por policia tha se kjo nuk eshte e vetmja piste.
Ndërkohë historia e familjes shkon shumë pas: Babai i viktimes, shtetasi Avni Majallari është një person i dënuar me burgim të përjetshëm për vrasje të dyfishtë ne rrugen e Dajtit ne kryeqytet vite me pare ndersa po kryen denimin.
Ndonëse nuk ka të dhëna për të kaluarën e tij kriminale, dyshimet e policisë flasin për hakmarrje, pasi babai i tij Avni Majollari është dënuar me burg përjetë për vrasje të dyfishtë në vitin 2000.
Por Avni Majollari, 48 vjeç u kap pas 14 vitesh në kërkim, më 1 mars të vitit 2014. Sipas njoftimit të atëhershëm të policisë, thuhej se Majollari, ishte një person i shumëkërkuar, dënuar me burgim të përjetshëm. Arrestimi i tij u bë nga Sektori i Operacioneve Speciale dhe Kërkimit.
“Kapja e tij u bë sepse Gjykata e Rrethit Gjyqësor Tiranë me vendimin datë 11.01.2001, e ka dënuar me “Burgim të përjetshëm”, për veprën penale të “Vrasjes me paramendim” e kryer në bashkëpunim, parashikuar nga nenet 78-25 & 278/2 të Kodit Penal”, njoftonte policia.
Sipas policisë, ky shtetas në vitin 2000 ka vrarë pas një konflikti me armë zjarri shtetasit Armando Nelaj dhe Ilir Gjuzi, në segmentin rrugor Tiranë-Dajt. Gjatë momentit të kapjes, shtetasi Avni Majollari mbante në dorë një pistoletë tip “TT” ku dhe pas kontrollit të imtësishëm në banesës ju gjet një automatik kallashnikov; një pistoletë tip “Cervena Zastava” si dhe një sasi e konsiderueshme fishekësh e municionesh.(Balkanweb)
