Në të gjithë vendin strukturat e Policisë së Shtetit kanë vijuar punën për “Parandalimin dhe goditjen e veprimtarisë së paligjshme” konkretisht në parandalimin e ndërtimeve të paligjshme, prerjen e paligjshme të pyejeve, si dhe organizimin e lotarive të palejuara.
Në fushën e ndërtimeve të paligjshme, gjatë periudhës 19.10.2015 deri më datën 25.10.2015 nga ana e Strukturave të Policisë së Shtetit në të gjithë vendin janë evidentuar 24 raste të ndërtimeve pa leje.
Për këto raste janë evidentuar dhe proceduar 24 autorë nga të cilët, 5 autorë janë arrestuar në flagrancë, 16 autorë ndiqen në gjendje të lirë, si dhe 3 autorë jane shpallur në kërkim.
Në kuadër të masave për parandalimin e prerjeve të paligjshme të pyjeve , gjatë kësaj periudhe në të gjithë vendin janë evidentuar 5 raste me 5 autorë, nga të cilët 2 janë arrestuar ne flagrancë dhe 2 ndiqen në gjendje të lirë dhe 1 eshte shpallur ne kerkim.
Ndërsa në fushën e organizimit të lotarie të palejuara , Policia e Shtetit ka evidentuar 7 raste me 7 autorë, të cilët ndiqen në gjendje të lirë.
Në cilësinë e provës materiale janë sekuestruar 7 makineri të lojrave, 7 televizorë.
Edhe në javët në vazhdim, Strukturat e Policisë së Shtetit do vijojnë punën për parandalimin dhe goditjen e veprimatrisë së pa ligjshme.
