Situata në Shkodër është përkeqësuar pasi vijojnë shkarkimet nga Vau i Dejes. Numri i banesave me prezencë uji ka arritur në 110 nga 30 që ishin më parë.
Në total janë 1400 ha të përmbytura ndërsa rruga e Obotit mbetet me prezencë uji 85 cm.
Atje operohet me 2 mjete të kalueshmërisë së lartë së bashku me 7 forca të ushtrisë. Edhe rruga Shirq-Darragjat është e pakalueshme.
Bashkia e Shkodrës kërkon pako ushqimore për të ndihmuar banorët e bllokuar nga uji, bazë ushqimore për blegtorinë dhe çizme të gjata rreth 50-60 palë për Obotin.
/a.r
