Një portofol i vjedhur në një autobus në Tiranë ka sjellë kontrollin e të gjithë pasagjerëve nga policia.
Një nga dëshmitarët raporton për Jetaoshqef.al se njërës nga femrat që ndodhej në urban i kanë marrë portofolin, ajo ka kërkuar policinë që të bënte të mundur gjetjen e tij.
“Pamjet ne momentin kur erdhen policet per te kapur hajdutin i cili vodhi portofolin e njeres. U mbyll autobuzi deri ne momentin qe erdhen policet nuk hapej dera, nuk zbriti asnje pasagjer duke kontrrolluar nje nga nje per te kapur hajdutin. Shumë njerez humben orarin e punes, shume njerez humben bileten qe paguan autobuzi pasi u boshatis nuk mori me asnje pasagjer dhe u largua”, thotë raportuesi.
Nuk ka informacion nëse hajduti u kap, por ajo që tregojnë pamjet është kontrolli i rreptë që kanë ushtruar policët për gjetjen e tij. Sigurisht kjo ka shkaktuar edhe zemërim tek udhëtarët, por e rëndësishme është që të kapet personi përgjegjës për të shmangur vjedhje të tjera, ndonëse ai nuk është i vetmi.
d.i.
