Andi Lila dhe Ergys Kaçe kanë qenë protagonistë gjatë kësaj fundjavë duke gjetur rrugën e rrjetës për skuadrat e tyre.
Mbrojtësi i Kombëtares kuqezi ka shënuar një gol mjaft të rëndësishëm në barazimin që skuadra e tij mori në shtëpi ndaj AEK-ut të Athinës. Andi Lila kaloi fillimisht në avantazh Pas Janinën në minutën e 37’ pas golit të tij, teksa ndeshja në fund do të mbyllej me rezultatin 1-1.
Ergys Kaçe ishte titullar në fitoren që PAOK-u mori në shtëpi me shifrat e thella 5-1 ndaj Kerkirës. Veç kthimit si titullar ku luajti për 90 minutam Ergys Kaçe shënoi edhe golin e parë të sfidës në minutën e 30’ të ndeshjes duke u çliruar nga një makth pas shumë kohësh të vështira që ka kaluar.
Më këtë fitore skuadra e PAOK-ut ngjitet në vendin e dytë në Superligën greke.
