Jemi mësuar që kur dëgjojmë vjedhje direkt na shkon mendja tek të rinjtë, por së fundmi janë shtuar shumë gratë.
Nga këpucët dhe portofolat në dyqane kanë përfunduar në ushqimore e markete.
Një grua e moshuar në Shkodër ka hyrë në një dyqan, ku shitës ishte po një i moshuar dhe ka marrë çfarë i ka kapur dora.
Me një trastë në dorë ajo është afruar tek frigoriferi dhe ka filluar me gjërat e vogla, fuste diçka në çantë, largohej e kthehej sërish tek vendi dukë bërë të njëjtin veprim, raporton Jeta osh qef. Por, në produktin e fundit ajo nuk ka mundur ta vazhdojë më tej këtë vjedhje, pasi pakoja ka qenë e madhe dhe i ka rënë nga dora ndaj dhe është detyruar të shkojë tek shitësi për të paguar.
Ky I fundit nuk e ka kuptuar vjedhjen, por kanë qenë kamerat e sigurisë ata që kanë filmuar çdo veprim të gruas.
Pavarësisht moshës së saj, vjedhja nuk mund të justifikohet, edhe shitësi pothuajse në moshën e saj po sakrifikonte duke punuar aty, ndërsa gruaja pa iu dridhur dora ka vjedhur disa produkte dhe është larguar duke paguar vetëm të fundit ku u pikas për shkak të peshës së njërit prej tyre./a.m.
