Ujku është një prej kafshëve më të egra dhe armiqësore për njerëzit. Kjo kafshë do të tmerronte çdo person, por jo një punonjëse të një parku të kafshëve të egra në Colorado të Shteteve të Bashkuara të Amerikës.
Danielle, shfaqet në një video të publikuar nga Colorado Wolf and Wildlife duke luajtur me një ujk të egër.
Kafsha e quajtur Kekoa, afrohet dhe puth punëtoren në fytyrë teksa luan me të në dëborë.
“Ai është një djalë i ri me një personalitet të ëmbël dhe i pëlqen t’i përshëndesë vizitorët me puthjet e tij”, shkruhet në biografinë e ujkut në faqen online të qendrës.
Ujku është 53 kg dhe është 3 metra i gjatë, mjaft i frikshëm për këdo që do t’i afrohej, e jo më të luante me të. Videoja e Kekoa me Danielle ka marrë mbi 7 milion klikime.
