Kuksianët kanë festuar si të çmendur shpalljen kampion të Shqipërisë të ekipit të tyre të zemrës.
Ka mjaftuar sinjalizimi i gjyqtarit për mbarimin e ndeshjes që stadiumi i Kukësit të pushtohet nga fishkëllima, brohorima fitoreje deri tek vallet nën tingujt e daulles.
Ekipi i Kukësit arriti të shpallet kampion i Shqipërisë për sezonin 2016-2017 një javë përpara përfundimit të kampionatit.
Një triumf vërtet historik ky për kuksianët pasi është hera e parë që fitojnë titullin kampion të Kategorisë Superiore.
Verilindorët mposhtën rivalin direkt për titull, Skënderbeun, në Kukës me rezultatin 2-0, rezultat ky që i jep matematikisht titullin kuksianëve./oranews.al/a.ç
