Një alarm për bombë ka alarmuar mesditën e sotme policinë e Tiranës. Një cantë e dyshimtë është gjetur në zonën e Unazës së Re, poshtë shkallëve të një kompleksi pallatesh. Në pamjet që shihni është çanta e dyshimtë që ka ngritur në këmbë policinë e kryeqytet, pasi mendohet se brenda saj ka lëndë shpërthyese.
Mësohet se rreth orës 15:02 në zonën e “Unazës së Re” poshtë shkallëve të një kompleksi pallatesh është konstatuar një çantë në dukje e dyshimtë, ndërkohë që pritet të bëhen verifikimet nga forcat xheniere, të cilat pritet të shkojnë në vendin e ngjarjes.
Njoftimi i policisë:
Tiranë
Informacion Paraprak
Më datë 03.11.2018, rreth orës 15:02 në zonën e “Unazës së Re” poshtë shkallëve të një kompleksi pallatesh është konstatuar një çantë në dukje e dyshimtë.
Në vendngjarje ndodhen shërbimet e Policisë të Komisariatit Nr.6 të cilat kanë formuar perimetrin e sigurisë si dhe është njoftuar njësia antieksplozivë.
