Një shpërthim i fuqishëm ka ndodhur në qendër të Beogradit. Siç raportojnë mediat në Serbi, si pasojë 5 persona kanë mbetur të plagosur.
Dëshmitarë nga vendi i ngjarjes thanë se shpërthimi ishte shumë i fuqishëm.
“Ishte një katastrofë”, tha një qytetare, e cila ndodhej në hotelin prane vendit ku ndodhi shpërthimi.
Shpërthimi shkaktoi dëme të mëdha materiale, dhe pothuajse të gjitha baret në zonë u shkatërruan. Pronarët e dyqaneve thanë se kishte prezencë të madhe tymi.
Ndërkohë autoritetet po punojnë për të zbardhur shkaqet e shpërthimit.
