Steve Bing, një pasanik me lidhje te forta në politikën amerikane dhe Hollivud, ka vrarë veten, duke u hedhur nga kati i 27 i një pallati në Los Angeles, ku kishte apartamentin e tij.
Ai njihet nga të gjithë si një playboy, kineast dhe filantrop Hollivudi. Për shkak të izolimit nga pandemia e koronavirusit në apartamentin e tij luksoz në katin 27, ai u fut në depresion dhe kështu vrau veten. Burime për TMZ kanë thënë se miliarderi nuk po e duronte dot mungesën e kontakteve sociale dhe filloi të vuante nga depresioni.
Ai është i njohur për jetën e tij të shfrenuar, luksoze dhe i rrethuar nga femra të shumta. Gjithashtu Hurley ka prodhuar filma të shumtë me aktorë të njohur si Sylvester Stallone dhe Tom Hanks.
Bing është i njohur për marrëdhënien e tij me aktoren e njohur, Liz Hurley, me të cilën ka edhe një djalë.
Ai kishte miqësi të fortë edhe me Bill Clinton, i cili bëri një status prekës në rrjetet sociale, pas vetëvrasjes së Bing. Ky i fundit njihej për jetën e shthurur dhe skandalet e shumta.
“Ai kishte një zemër të madhe dhe ishte i gatshëm të bënte gjithçka që të mundte për njerëzit dhe shkaqet në të cilat ai besoi. Unë do ta humbasë atë dhe entuziazmin e tij më shumë sesa mund të them, dhe shpresoj që ai më në fund të gjeti paqen“, shkruan Clinton.
Përveç djalit me aktoren Hurley, të cilin në fakt ai nuk e njohur kurrë, Bing ka edhe një vajzë nga një tjetër marrëdhënie. Bing nuk i njohur kurrë fëmijët e tij, me pretendimin se nuk ishin të tijët.
Për këtë pati edhe procese gjyqësore dhe kërkoi prova AND-je, të cilat rrëzuar pretendimet e tij.
Pasuria e Bing llogaritet diku tek 590 milionë dollarë. Ai e kishte trashëguar pasurinë nga gjyshi i tij Leo, që ndërtoi apartamente dhe vila luksoze në Nju Jork, gjatë vitit 1920.
Vdekja e tij ka shokuar SHBA-në, pasi një njeri i tillë, që e kalonte jetën me festa dhe femra të shumta, nuk të jepte përshtypjen e një tipi të vetmuar.
