Katër nga 52 personat e infektuar me koronavirus në 24 orët e fundit, rezultojnë të jenë shqiptarë të kthyer nga jashtë shtetit.
Pesë prej rasteve të reja janë në Kurbin, një familje emigrantësh prej tre personash, të kthyer nga Anglia si dhe një çift të moshuarish.
Familja shqiptare e kthyer nga Anglia, mendohet të jetë infektuar me Covid-19, në vendin e qëndrimit.
Burri i moshuar kishte qenë i shtruar në QSUT, ku mendohet të ketë marrë virusin.
Ndërkohë nga dy rastet e reja me Covid-19 në Elbasan, njëri prej tyre është një burrë i ardhur jashtë shtetit.
Dyshohet se virusin e ka marrë në vendin ku ka qëndruar dhe pas kthimit ka rezultuar pozitiv.
Sakaq rasti i dytë ka të bëjë me një grua në lagjen “Kongresi i Elbasanit”, ndërkohë që janë raste që nuk kanë lidhje me njeri tjetrin.
/a.r
