Ky është Eduart Lamaj në spital, i cili mjekohej ilegalisht në Tiranë. Siç shihet në këtë foto, gjendja e tij shëndetësore duket e rënduar. Ai ka mbetur i plagosur në 30 maj, por është paraqitur në spital i vetëm dy ditë më parë, pra rreth 20 ditë me vonesë. Kjo gjë ka bërë që gjendja e tij të përkeqësohet. Për këtë arsye, Lamaj shkoi në spitalin privat, ku sipas burimeve ka paguar 10 mijë euro mjekëve për ta operuar, pa i referuar çështjen policisë.
Lamaj është atentatori i biznesmenit Bujar Lika dhe Paulin Gjergjit, ngjarje e ndodhur më 30 maj 2020. Siç shihet edhe në këto foto, i riu 30-vjeçar është i fashuar, ndërsa në këmbë ka të vendosura edhe disa spica hekuri, për shkak të infektimit nga plumbi që mori në atentat.
Lamaj ka qenë i veshur me anti-plumb, por pavarësisht kësaj, është plagosur në këmbë. Ortopedi nga Lezha, Viktor Marku 42 vjeç dhe Besnik Lame, 46 vjeç, kirurg ortoped tek Ushtaraku në Tiranë, ranë dakord ta operorin në një spital privat tek “Qyteti Studenti”.
Vëzhgimi nga policia i familjes së tij, zbuloi edhe skemën, ndërsa deri më tani autori i ngjarjes njihej Kreshnik Tushe, 20 vjeç, i cili u arrestua rastësisht natën e ngjarjes, pasi shkoi i plagosur në spitalin e Lezhës.
g.kosovari
