Ylli i Formula 1, Roman Groszhan ka fulor për herë nga spitali pas aksidentit që i ndodhi dje. Në një video nga spitali ai është shprehur se është në gjendje të mirë shëndetësore dhe se falenderon të gjithë ndjekësit për mesazhet e ngrohta që i kishin dhënë.
Më tej, ai ka falenderuar dhe stafin mjekësor për të gjithë punën e palodhshme që kanë bërë. Ai në shtratin e spitalit shihet i fashuar në të dyja krahët dhe i lidhur me aparatura në mënyrë që të jetë në vëzhgim të plotë.
“Përshëndetje të gjithëve. Thjesht doja të them se jam mirë. Faleminderit shumë për të gjitha mesazhet. Pra, falënderoj të gjithë stafin mjekësor në qark dhe në spital. Shpresoj, së shpejti mund t’ju shkruaj disa mesazhe dhe t’ju tregoj si po shkon,” tha ai.
Roman Groszhan u përfshi në aksidentin e frikshëm ditën e djeshme në garën e Grand Prix të Bahreinit në Formula 1. Piloti francez u përfshi në një përplasje të tmerrshme dhe më pas mjeti i tij shpërtheu në flakë, duke shkaktuar ndërprerjen e garës.
g.kosovari
