Vizitorët e veshur me kostume mbrojtëse dhe maska do të jenë në gjendje të futen dhe të shikojnë rreth dhomës së kontrollit njësi katër në Centralin Bërthamor të Chernobilit, ku filloi katastrofa më shumë se 30 vjet më parë.
Imazhet e rralla dhe apokaliptike kanë zbuluar dhomën ku në vitin 1986 stafi i uzinës bëri një seri gabimesh fatale, më pas humbi betejën duke provuar të parandalonte shpërthimin e reaktorit.
Pas publikimit të serialit HBO Chernobyl, vendi u bë një nga destinacionet më të njohur në mesin e turistëve në të gjithë botën.
Agjensia Shtetërore e Ukrainës për Menaxhimin e Zonës së Përjashtimit po harton 21 rrugët e reja turistike për të ushqyer interesin në rritje.
Një nga rrugët e reja do të vendos turistët brenda dhomës së kontrollit ku filloi katastrofa. Salla e kontrollit është në njësinë 4, ku shpërtheu reaktori bërthamor. Rrezatimi në dhomë aktualisht tejkalon leximet normale me 40,000 herë.
Imazhet e rralla dhe apokaliptike zbulojnë dhomën e kalbjes, ku në vitin 1986 personeli i uzinës bëri një seri gabimesh fatale, më pas humbi betejën duke provuar të parandalonte katastrofën.
Aleksandr Novikov, zëvendësdrejtori teknik në uzinën e Chernobilit tha: ‘Leonid Toptunov i cili ishte në detyrë atë natë dhe ishte shoku im. Ai ndihmoi për të luftuar me pasojat. Ai pompoi ujë në reaktorin e rrënuar pas shpërthimit dhe vdiq tre javë më vonë.
Turistëve do t’u jepen maska për fytyrën, kostume anti-rrezatimi dhe çizme të mëdha industriale përpara se të lejohen të vizitojnë dhomën, shkruan “Daily Mail”.
Ata do të jenë në gjendje të vëzhgojnë dhomën vetëm për pesë minuta për shkak të rrezatimit vdekjeprurës.
Sipas stafit të Chernobilit, vendi është jashtëzakonisht gjakftohtë dhe madje pesë minuta janë të mjaftueshme për ta kujtuar atë për pjesën tjetër të jetës së dikujt.
Gjatë këtij viti, 85,000 njerëz nga e gjithë bota vizituan Ukrainën për të parë zonën famëkeqe, raportojnë media lokale.
Fatkeqësia e centralit bërthamorë ndodhi natën e 26 Prillit në vitin 1986, në njësinë numër katër./ Javanews
g.kosovari
