Këto janë pamjet kur zjarri nis me një prej dyqaneve në tregun e rrobave të përdorura në zonën “5 majit” dhe më pas përhapet edhe tek magazinat e tjera. Kujtojmë se si pasojë e flakëve ka dëmtime të rënda materiale, teksa edhe sot shihen ende shtëllunga të mëdha tymi.
Flakët që nisën në dyqanin që shihni në video u përhapën me shpejtësi edhe në të tjerë për shkak të intensitetit të lartë dhe materialeve lehtësisht të djegshme. Situata u konsiderua kritike dhe u desh ndërhyrja e dhjetëra forcave zjarrfikëse nga Tirana, Kamza, Vora, Elbasani si dhe mbështetjes së Forcave të Armatosura që zjarri të izolohej dhe vihej nën kontroll.
Nga ngjarja fatmirësisht nuk ka persona të lënduar ndërsa sipas një vlerësimi paraprak nga Bashkia e Tiranës dhe tregtarët humbjet llogariten në miliona euro.
