Hysnie Hoxhallari, 32-vjeçe e akuzuar se vrau dhe dogji bashkëshortin e saj Olsi Hoxhallari dhe vjehrrën Salke Hoxhallari, ka dalë sot përpara Gjykatës së Vlorës për t’u njohur me masën e sigurisë.
Përpara xhaketave të zeza ka dalë edhe i dashuri i 32-vjeçares, i cili akuzohet se ka ndihmuar 32-vjeçaren në kryerjen e krimit. Shkak për ngjarjen dyshohet se është bërë pikërisht lidhja jashtëmartesore e Hysnie Hoxhallarit, lidhje e cila ishte kuptuar nga bashkëshorti Olsi Hoxhallari, i cili kishte pak kohë që ishte kthyer nga Greqia. Gjykata e Vlorës pritet të japë sot masat e sigurisë për dy të akuzuarit për krimin makabër.
