Piloti i Ferrari-t, Sebastian Vettel ka fiituar në pistë Çmimin e Madh të Kanadasë, por ka hummbur një pozicion për shkak të një penalizimi. Nga ky vendim përfiton Hamilton, i cili ka dalë i dyti në garë. Në vendin e tretë është pozicionuar piloti tjetër i Ferrari-t, Leclerc.
Ferrarri nuk ka arritur të ndërpresë dominimin e Hammilton dhe Mercedes. Gara e Vettel ka qenë pothuajse perfekte, por një gabim i vogël i ka kushtuar shtrenjtë.
Kur kishin mbetur pak më shumë se 20 xhiro nga fundi, gjermani ka dalë nga pista, ndërsa anglezi e ndiqte nga afër. Kur është kthyer në pistë ka shtyrë rivalin e tij drejt murit dhe pas pak minutash ka ardhur vendimi i komisarëve të pistës: 5 sekonda penalizim.
Vettel ka kaluar i pari vijën e finishit, por fitorja i ka shkuar Hamilton-it. Një vendim me të vërtetë i ashpër pas një gare të jashtëzakonshme.
Kjo ka nxjerr edhe zemerimin e gjermanit pasi nuk pranoi të parkonte makinën tek fituesit dhe në fund i ka ndryshuar numrat renditës të fituesve duke i vendour makinës Mercedes të Hamilton numri 2.
“Njerëzit nuk duhet të kritikojnë Lewis, të gjithë e panë atë që ndodhi. Ai nuk donte të më dëmtonte mua, tifozët duhet të kritikojnë vendimin. Si ndihem? I zemëruar“.
Këto kanë qenë fjalët e Sebastian Vettel pas penalizimit me 5 sekonda që e kanë zbritur në vendin e dytë në Çmimin e Madh të Kanadasë.
“Është për të ardhur keq, – ka komentuar më pas Seb për Sky Sport, – sot nuk ishim më të shpejtë, besoj se Lewis ishte më i shpejtë dhe duhet ta pranojmë. Megjithatë, kemi kaluar të parët vijën e finishit. Kemi fituar një pole position të pabesueshme, kemi arritur ta mbajmë mbrapa, duke luftuar me thikën mes dhëmbëve gjatë gjithë garës“.
Deri në momentin e penalizimit pas gabimit: “Nuk besoj se mund të kisha bërë diçka ndryshe, po kërkoja të mbijetoja dhe ta mbaja makinën në pistë, kam dalë nga bari dhe gomat ishin pis, nuk e di se çfarë mund të kisha bërë ndryshe. Ka qenë një moment shumë i shpejtë“.
Parc Ferme… 🔀#CanadianGP 🇨🇦 #F1 pic.twitter.com/cJOuT5hnwP
— Formula 1 (@F1) June 9, 2019
g.kosovari
