Ndërsa Britani është mbërthyer nga rastet në shtim të infektimeve me COVID-19, ku qeveria tashmë ka vendosur masa të rrepta kufizimi, vajza 19-vjeçare e ndihmës shefit të policisë së Cumbria në Angli është filmuar duke marrë pjesë në një festë.
Amy Slattery shihet nën shoqërinë e miqve të saj të Universitetit të Leeds, ku nga video mund të shihet se askush nuk mban maska dhe nuk respektohet distanca fizike.
Nga ana tjetër, babai i saj polic, që njëkohësisht është edhe kryetar i grupit të koordinimit strategjik kundër Covid-19, ka bërë vazhdimisht thirrje për të evituar të tilla evente dhe për të respektuar rregullat e pandemisë.
Leeds është një nga qytetet më të goditura nga Covid-19 në Angli, ku më shumë se 1 mijë persona kanë humbur jetën që prej fillimit të pandemisë.
Po kështu, edhe numri i infektimeve në shumë zona të qytetit është mbi nivelin mesatar të infeksioneve. Universitetet janë konsideruar një faktor kryesor në përhapjen e virusit. Këtu ndikon edhe lëvizshmëria e studentëve nga njëri qytet në tjetrin. Dhe sipas statistikave, nivelet e infeksionit rriten shpesh në zonat ku ka numër të lartë të studentëve
Një ditë pas kësaj feste, ka reaguar edhe Universiteti i Leeds, ku njoftonte se disa studentë shkelën rregulloren duke organizuar festime dhe duke rrezikuar shëndetin e të tjerëve.
Britani ësht një nga vendet më të goditura nga koronavirusi ku në total raportohen 1,862,359 raste dhe 94,580 të vdekur.
g.kosovari
