Paris Saint-Germain (PSG) pezulloi Lionel Messin nga skuadra për dy javët e ardhshme, për shkak se superylli argjentinas nuk i ishte bindur urdhrave të klubit.
Messi udhëtoi drejt Arabisë Saudite për të kaluar kohë me familjen e tij, por që ky udhëtim nuk ishte i autorizuar nga PSG, raporton KosovaPress.
Pavarësisht se kishte marrë një “jo” nga PSG, Messi vazhdoi me udhëtimin të cilin e kishte organizuar për një kohë të gjatë, gjë e cila e detyroi kampionin francez ta dënojë atë.
Messi ka reaguar këtë të premte, për herë të parë pas pezullimit.
“Unë mendova se ne do të kishim një ditë pushim pas ndeshjes si çdo herë. E kam pasur këtë udhëtim të organizuar dhe nuk mund ta anuloja atë. Unë u kërkoj falje shokëve të mi të skuadrës dhe jam duke pritur për çfarë klubi dëshiron të bëjë me mua”, tha Messi.
