Një foshnje është duke luftuar për jetën, pasi ka rënë nga 9 metra lartësi nga dritarja e katit të tretë duke u përplasur në asfalt.
Dadoja Egemen Acer, kishte hapur dritaren për të ajrosur dhomën dhe kishte shkuar në kuzhinë për të kryer disa punë, duke e lënë fëmijën pa mbikëqyrje.
Foshnja kurioze kishte arritur të zvarritet deri tek dritarja e banesës në qytetin e Stambollit, duke humbur kështu ekuilibrin dhe duke u rrëzuar nga 9 metra lartësi.
Në një video regjistruar nga kamerat e sigurisë, dhe të publikuar në internet në variantin e censuruar për shkak të pamjeve të rënda, shfaqet momenti kur foshnja bie në asfalt.
Me të kuptuar gabimin që e kishte bërë, dadoja Egemen me urgjencë e dërgon foshnjën në spital, dhe raportohet se fëmija aktualisht është duke luftuar për jetë në qendrën intensive. /a.m.
