Tv Klan ka arritur që të sigurojë videon ekskluzive të aksidentit të rëndë të ndodhur ditën e diel, pranë Urës së Gjolës.
I pozicionuar në vendin e ngjarjes, gazetari i kronikës në Tv Klan, Merin Maçi raporton se sipas hetimeve dhe ekspertizës makina e cila përplasi mjetin me të cilin po udhëtonte gazetari 26-vjeçar Xhejson Zogu, humbi kontrollin si pasojë e shfryrjes së gomës së parë.
Nga pamjet e siguruara shihet “Benz-i” i bardhë i cili udhëton me shpejtësi skëterrë dhe përplas kokë më kokë makinën tip “Land Rover” të gazetarit. 26-vjeçari Xhejson Zogu, me profesion gazetar humbi jetën si pasojë e plagëve të marra, rrugës për te Spitali i Traumës.
Sipas grupit hetimor makina me të cilën lëvizte makina tip “Benz” mund të ketë qenë 100-150 km/h. Në vendin e ngjarjes ka shenja që tregojnë aksidentit e rëndë, në asfalt shihet qartë shenjat e frenimit dhe ky ka qenë një frenim jo normal i automjetit, duke u përplasur më pas edhe me barrierën e rrugës.
Është aluduar se një parakalim i gabuar ka qenë shkak i aksidentit, por sipas pamjeve filmike duket se para “Benz-it” nuk ka qenë asnjë makinë para, prandaj sipas ekspertëve shkaku kryesor i aksidentit mund të ketë qenë goma e shpuar dhe humbja e kontrollit.
