Teuta nuk e ka diskutuar për asnjë moment fitoren ndaj Flamurtarit në transfertë. Ekipi durrsak ka mundur pastër me rezultatin 1-3 vlonjatët, të cilët nuk mundën dot të reagonin.
Sfida e vlefshme për javën e 17-të, e cila u ndërpre ditën e djeshme për shkak të rreshjeve, u luajt sot dhe Teuta nuk e diskutoi në asnjë moment.
Skuadra e drejtuar nga Edi Martini, kaloi në avantazh në minutën e 33-të me anë të Emiljano Vilës, i cili shënoi dhe të dytin, në fillimin e pjesës së dytë.
Ndërkaq Sherif Kallaku me një perlë jashtë zone ka trefishuar dhe ka vulosur për skuadrën e tij fitoren.
Flamurtari është munduar të reagoj, dhe gjeti golin në fund me Ribajn, i cili as nuk ka festuar.
Më në fund Teuta ka gjetur golat dhe fitoren në transfertë që i kanë munguar kaq shumë këtë sezon. Durrsakët tashmë ndodhen në vendin e pestë duke parakaluar Laçin, dhe ka pikë të barabarta me Tiranën dhe Partizanin që kanë 28.
Ndërsa Flamurtari mbetet i zhytur në vendin e fundit me vetëm 6 pikë./panorama
89′ GOL Flamurtari! Ribaj gjen rrugën e rrjetës, një minutë para fundit.
65′ GOL. Teuta nuk ndalet shënon të tretin, Kallaku shënon një supergol nga jashtë zone.
47′ GOL Teuta. Emiljano Vila nuk gabon para portës dhe shënon golin e dytë.
33′ GOL Teuta. Emiljano Vila kalon në avantazh ekipin e tij.
g.kosovari
